TXB明珠台电影《龙卷风暴》配音表
本帖最后由 joe2010 于 2024-3-10 00:12 编辑影片名稱：龍卷風暴 Twister
備註 1996年美國電影
明珠臺電影《龍卷風暴》，又名「龍卷風」，系一部災難冒險劇情片
角色名稱：（演員）配音員
夏鍾兒：（海倫·杭特 飾演） 陸惠玲
第一女主角，米國俄克拉荷馬州研究龍卷風嘅氣象專家，某科研團隊追風小組領隊，風暴探測儀「黛露菲」嘅設計者之一，出於幼年嘅經歷，對龍卷風追蹤研究有著堅毅嘅執着同頑強嘅鬥心，屢敗屢戰之下，女主角從美琪姨家中嘅測風儀上獲得靈感，改良「黛露菲」嘅傳感器裝置，終於成功录取得風眼核心數據，使龍卷風研究邁出突破性一步，同時亦令愛人回心轉意，二人愛火重燃
夏比爾：（比爾·派斯頓 飾演） 招世亮
男主角，女主角嘅老公，龍卷風研究學者，前追風小組靈魂核心人物，外號「亡命比爾」，因厭倦咗追風者居無定所嘅生活，打算退行專職做天氣先生，帶住未婚妻嚟揾女主角簽離婚協議，對龍卷風嘅形成及變化預測具有天生直覺，風暴探測儀「黛露菲」系佢同女主角共同設計嘅心血結晶，其後喺追風過程中，憑借機智同勇敢躲避開死神嘅襲擊，龍卷風過後，一齊歷經生關死劫令愛意喺男女主雙方嘅心底復燃
韋美莉：蔡惠萍
第二女主角，男主角嘅未婚妻，系產科生育治療師，原本等男主角同女主辦完離婚手續就登記結婚，喺追蹤龍卷風嘅歷險路上，旁觀者清睇透同领悟到男女主二人先至系天造地設嘅一對，諗通之後毅然决定放手，與男主角分手後獨自離去
阿德：（菲臘·西摩·荷夫曼 飾演） 黎偉明
追風小組成員之一，為人個性大癲大廢，經常「工作不忘娛樂」
希斯：黃麗芳
追風小組成員之一，女主角嘅助手，系個短發四眼妹，負責監測傳遞風向軌跡轉變訊息
兔仔：蘇強文
車隊領航員，追風小組成員之一，擅長睇各樣地圖，熟悉大小道路交通走向，為小組車隊追蹤龍卷風領航引路
辛特：梁偉德
副領航員，追風小組成員之一，系兔仔嘅拍檔
保沙：鄺樹培
追風小組成員之一，負責雷達監測
羅倫：陳卓智
追風小組成員之一，系攝影師，負責實驗影像資料記錄
牧師：張炳強
追風小組成員之一，負責車輛保養及駕駛，喺小鎮車場避風時受傷
阿祖：魏惠文
追風小組成員之一，系電腦專才，負責實驗數據電腦錄入
米莊拿：陳欣
對立面角色，氣象學博士，曾與男主角系同一個實驗室嘅同事，後嚟揾到大公司贊助自立門戶，研究龍卷風主要以賺錢為目的，團隊擁有先進嘅儀器設備，並盜取咗男女主嘅研究成果，想借此成名，抄襲「黛露菲」探測儀嘅設計概念仿造出DOT3探測儀，後因一意孤行唔聽男女主角嘅勸告而連人帶車比龍卷風暴一掃而亡
艾迪：梁耀昌
米莊拿嘅助手，負責車輛駕駛，與米莊拿同車一齊喪生
美琪：雷碧娜
美琪姨，女主角嘅阿姨，好疼錫女主角，十分熱情咁幫女主一行人準備牛扒等食物同補給休整
梅菲、姬絲：張炳強、黃麗芳
米國國家強烈風暴實驗室職員，一直密切關註住龍卷風嘅變化發展趋势並發出氣象通告
夏鍾兒嘅父母：陳欣、袁淑珍
女主角嘅父母，女主角幼年時，自己父親為咗保護藏喺地窖嘅妻女安全比龍卷風卷走遇難
其他配音人員：林國雄、黃子敬…等
本帖最后由 joe2010 于 2024-2-12 00:21 编辑
龙年睇《龙卷风暴》，祝飘雪论坛嘅各位朋友新年龙马精神，都有个好心情来分享动漫电影资讯啊;P
网上话影片中出现嘅五级龙卷风系真实存在嘅，当年电脑特效啱啱兴起，《龙卷风暴》首次采用CG技术制造自然景观，今时今日睇起身自然有瑕疵，不过已经算系灾难电影特效嘅先驱者，剧情走常规路线，其出色爆棚嘅音响效果，至今仍然系家庭影院嘅试机大片之一
多谢楼主的信息分享~ {:9_366:}魏惠文？好少向电影度听到距配音 楼主发贴辛苦了，谢谢楼主的精彩分享！ 好好的配音 我唔食猪肉 发表于 2024-2-12 03:09
魏惠文？好少向电影度听到距配音
距配音都唔错，可惜无配音好耐拉 睇下资讯 配音表好详细 好像好好看！！！！
页:
[1]
2