TXB明珠台电影《狙魔人》配音表

joe2010

影片名稱：狙魔人 Van Helsing

備註 2004年美國電影

翻譯：馮亦儀

明珠臺電影《狙魔人》（又名「範海辛」），系一部魔幻動作剧情片

本故事純屬虛構，如有雷同實屬巧合

角色名稱：（演員）配音員

佳白/雲希星：（曉治·積曼 飾演） 蘇強文
男主角，19世紀末梵蒂岡羅馬教廷狙魔人，前世系神使佳白喺凡間嘅化身，曾打敗過中世紀聖騎士團嘅統帥德古拉，男主今世被教會拯救收養，取名雲希星，成爲著名嘅狙魔人，受羅馬天主教會所托，前往東歐羅馬尼亞嘅特蘭西瓦尼亞消滅變成吸血鬼之王嘅德古拉伯爵，爲世間除害……

符拉迪拉斯·德古拉：（理查·勞斯伯格 飾演） 翟耀輝
反派Boss，中世紀時系特蘭西瓦尼亞貴族華拉斯家族嘅子孫，曾與男主角嘅前世佳白系死敵，1462年戰死時與魔鬼簽訂契約變成長生不死嘅吸血鬼，但必須吸取人血才能延續生命，最後被變成人狼嘅男主打敗消滅

韋漢·華拉斯：蕭徽勇
女主角嘅王兄，吉卜賽國王之子，華拉斯家族嘅最後血脈，爲救女主被德古拉嘅手下人狼咬傷感染變咗做人狼，失去理智成爲受德古拉所控制嘅爪牙，比男主用銀彈開槍射死，臨死前咬傷咗男主令其亦逐漸變成人狼

安娜·華拉斯：（姬蒂·碧金莎 飾演） 曾秀清
女主角，特蘭西瓦尼亞騎士華拉斯家族後裔，吉卜賽國王之女，華拉斯家族嘅最後血脈，系英勇善戰嘅女獵人，其先祖家族四百年來一直為罗馬教廷守護東歐與德古拉鬥爭，曾向神立誓一日不消滅德古拉，自己同家族世代後人死後將無法安息上天堂，最終之戰女主幫男主揾到人狼解藥打入男主體內，使其回複本性，但自己因傷重不幸犧牲，由于德古拉已被消滅，所以女主家族嘅詛咒亦被解除，离世後靈魂同家人喺天國團聚

瑪麗嘉、Verona、雅麗娜：沈小蘭、曾佩儀、黃麗芳
反派，吸血鬼德古拉嘅三個吸血鬼新娘，分別著黃色、白色、粉色裝束，各具美豔、冷豔、明豔氣質，系集妖豔同狠毒于一身嘅吸血鬼惡魔，喺影片劇情分別被男主用聖水弩箭射死、被銀錐火藥陷阱燒死、被女主用銀錐刺死

卡爾：伍博民
男主角嘅助手，羅馬教會修士，通過翻閱古籍無意中解開咗德古拉傳說之謎，幫男主發現咗德古拉老巢古堡嘅所在地同人狼能殺死吸血鬼嘅秘密

主教：譚炳文
羅馬教廷主教，爲解救華拉斯家族嘅最後血脈安娜公主同韋漢王子，委托男主角前往特蘭西瓦尼亞消滅吸血鬼德古拉

域陀·法蘭肯斯坦：梁志達
德古拉聘請嘅科學家，系生物同化學博士，幫德古拉制造出一部大型機器，能將生物能量通過電流傳比吸血鬼幼卵産出小魔怪，機器造好後被德古拉殺死

法蘭肯斯坦：葉振聲
法蘭肯斯坦博士創造嘅科學怪人，外表醜陋但內心善良，德古拉想借助其生命能量，令自己生産嘅成千上萬吸血鬼小魔怪破卵而出

伊高：朱子聰
反派，原本系法蘭肯斯坦博士嘅仆人，受德古拉蠱惑收買背叛咗主人，做咗吸血鬼仆人侏奴嘅工頭

海德先生/積高醫生：陳永信
影片男主初登場時喺法國巴黎橫行作惡嘅怪物，比男主作爲狙魔獵物所消滅

其他配音人員：黃子敬、劉昭文、何璐怡…等

joe2010

电影《狙魔人》以前喺明珠台播嘅时候，好似曾经片名有译作做《雲希星》嘅，可能系为咗同当时明珠台热播嘅同名美剧《狙魔人》（Supernatural）区别开，呢部系我喺明珠台睇曾秀清配女主角嘅第一部西片，以前喺亚视国际台曾秀清好似都冇几次机会配电影女主，呢部电影终于有机会担正啦，感觉佢嘅西片电影配音戏路有部分同林元春、郑丽丽相似，都系配美女后生女或者细路女居多

53057bon

原来内地译名叫范海辛，哎我之前搵剧版狙魔人，但内地网络基本都系搵到狙魔人（范海辛）电影版资源。

53057bon

曾秀清我有印象，之前确实系亚视，十几年前被街边档水咗买一部爱情动作片，就系距配音女二，叫 se鬼投胎。最有印象就系魔剑美神入面，曾秀清都系配女二。距把声好友辨析度。

UZIXA

joe2010 发表于 2024-5-19 20:45
电影《狙魔人》以前喺明珠台播嘅时候，好似曾经片名有译作做《云希星》嘅，可能系为咗同当时明珠台热播嘅同 ...

系雲希星～有著魔怪殺手的意思

snzt

原来有咁个译名，之前唔知道，一直以为就叫狙魔人

何为仙

这部电影是挺好看的

R136A1

ke惜冇第二部

asd2008asd

多谢分享详细配音表

Kluivert

有金姐都会睇下